కన్నడ కవిత : నవ్వు

‘నవ్వు’ అనే రెండక్షరాల పదం ఎంత మధురం!

జీవనపు వివిధ దశల వివిధ రకాల నవ్వులలో ఎంత మాధుర్యం!

          ప్రసవసమయంలో తల్లి అనుభవించిన యాతన

          పసివాడి ఆగమనాన మరపించి, ఆనందింపజేసే ఆ నవ్వు

          వసివాడని, వన్నెతరగని దా నవ్వు

చిరుత ప్రాయాన జతగాండ్ర గూడి ఆడిన ఆ సంతోష

కర సమయాన నవ్విన ఆ నవ్వు వత్సరాలు గడిచిపోయినా

మరలమరల గురుతుకు తెచ్చే ఆ నవ్వు మహత్యం అంతటిది

          యవ్వనాన ఓ యువతి/ యువకుడు చూచి నవ్విన నవ్వు

          ఆ ఉదయించే చక్కలిగిలి పులకింత, ఆ నవ్వు సుఖంబు

          జీవనంబెల్ల అనుభవించక నుండెడి వారెవరు!

వివాహానంతరం ఇల్లాలి సుందర దరహసితంబునకు

వివశుడై జీవితాంతం ఆమె ఆరాధనలోనే జీవనంబు గడుపు

నవ్వది తన యభిలాషలన్నింటి తీర్చుకోగలిగిన కొంటెనవ్వు

          తాత అవ్వల బోసి నోటినుంచి వెల్వడు ఆ నవ్వు

          ప్రీతిన్ మనుమలు హాస్యమాడ పంచెడి ఆ నవ్వు

          అతి జీవనోత్సాహంబిచ్చి పరవశింపజేయు