ఆంగ్ల మూలం : No body By Shel Silverstein
తెలుగు అనువాదం: డాక్టర్ చెంగల్వ రామలక్ష్మి
ఎవరూ నన్ను ప్రేమించరు
ఎవరూ జాగ్రత్త తీసుకోరు
నా కోసం ఎవరూ పీచ్ పండ్లు, బేరి పండ్లు తీసుకురారు
నాకు ఎవరూ మిఠాయిలు, శీతల పానీయాలు ఇవ్వరు
నా జోక్స్ ని ఎవరూ వినరు, నవ్వరు
నేను ఎవరితోనైనా దెబ్బలాడుతున్నప్పుడు ఎవరూ వత్తాసు ఇవ్వరు
రాత్రి నా హోమ్ వర్క్ ని ఎవరూ చేయరు
ఎవరికీ నేను లేనన్న బాధ లేదు
ఎవరూ ఏడవరు
నేను ఒక అద్భుతమైన బాలుణ్ణి అని ఎవరూ అనుకోరు
అందువల్ల నా ప్రాణస్నేహితుడెవరని నన్ను అడిగితే, చటుక్కున
‘ఎవరూ లేరని’ లేచి గొంతెత్తి చెప్తాను
కానీ , నిన్న రాత్రి నేను గొప్ప భయాందోళనకు లోనయ్యాను
నేను లేచి చూస్తే ఎవరూ అక్కడ లేరు
“ఎవరు” చేతి కోసం పిలిచాను, చీకట్లోకి చేతులు చాపాను
అక్కడకి చేరుకున్నాను
ఆ చీకటి లో సాధారణంగా ఎవరూ నిలబడరు
అప్పుడు నేను ఇల్లంతా మారు మూలల పొడుచుకు చూసాను
వెతికి వెతికి అలసిపోయాను, ఇప్పుడు తెల్లవారుజామున,
నిస్సందేహంగా –
నా… ఆ… ‘ఎవరు ‘ వెళ్ళిపోయాడు.
శ్రీ వెంకటేశ్వర విశ్వ విద్యాలయం, తిరుపతిలో గురజాడ రచనలపై పరిశోధన చేసారు. విజయవాడలో తెలుగు లెక్చరర్ గా పని చేస్తున్నారు. ఈనాడు, వార్త దిన పత్రికలలో, ఆంధ్ర జ్యోతి, ఆంధ్రభూమి వార పత్రికలలో, వనితా జ్యోతి, ఆంధ్ర ప్రదేశ్ మాసపత్రిక లలో వీరి కథలు గతంలో ప్రచురితమయ్యాయి. విపులలో అనువాద కథలు వచ్చాయి. ప్రస్తుతం అంతర్జాల పత్రికలలో కథలు, కవిత్వం, అనువాద కవిత్వం, వ్యాసాలు రాస్తున్నారు. సాక్షి దినపత్రిక లో జ్యోతిర్మయం శీర్షిక కు ఆధ్యాత్మిక వ్యాసాలు రాస్తున్నారు. ఆకాశవాణి విజయవాడ కేంద్రంలో ప్రసంగాలు చేస్తూ ఉన్నారు.
మహాకవి గురజాడ అప్పారావు, మహాకవి జాషువా జీవితం -సాహిత్యం, ‘చెంగల్వ పూలు’ కథల సంపుటం, “అక్షర జ్యోతి” ఆధ్యాత్మిక వ్యాస సంపుటి మొదలైనవి వీరి ప్రచురితమైన పుస్తకాలు. తమ శ్రీవారి తో కలిసి, సుప్రసిద్ధ కథకులు, బహు గ్రంథకర్త విహారి గారి సాహిత్య జీవిత ప్రస్థానాన్ని “దర్పణం”
పేరుతో రచించారు. కథ, కవిత్వం, అనువాదం అభిమాన ప్రక్రియలు.
