ఆంగ్ల మూలం: మాయా ఏంజెలో
తెలుగు: బొల్లిముంత వెంకట రమణా రావు
ఒక పక్షి స్వేచ్ఛాగా గాలితరగలపై తేలుతూ
నదుల ప్రవాహం అంచులను వెతుకుతూ వెంబడిస్తుంది
దాని ప్రయాణం ఏ మాత్రం ఆగదు.
అది తన రెక్కలను
సూర్యుని నారింజ కాంతుల్లో ముంచి
ఆకాశాన్ని తనదిగా చెప్పుకునే
సాహసంతో ఎగురుతుంది.
కానీ ఒక బందీలాంటి పక్షి
తన ఇరుకైన గూటిలో నడుస్తూ
కోపంతో నిండిన గోడల మధ్య
బయట ప్రపంచాన్ని చూడలేకపోతుంది
దాని రెక్కలు కత్తిరించబడి ఉంటాయి
దాని కాళ్లు బంధించబడి ఉంటాయి
అందుకే అది తప్పనిసరిగా
తన గొంతు తెరిచి పాడుతుంది
ఆ బందీపబడిన పక్షి పాడుతుంది
భయంతో నిండిన మృదువైన స్వరంలో
తెలియని విషయాల గురించి
కానీ ఇంకా లోతైన ఆశల గురించి
దాని పాట-
దూర కొండలపై వినిపిస్తుంది
ఎందుకంటే ఆ పక్షి
స్వేచ్ఛ కోసం పాడుతుంది
స్వేచ్ఛాగా పక్షి ఆలోచిస్తుంది
మృదువుగా వీచే గాలుల గురించి
చెట్ల మధ్య ఊగే పిల్లగాలుల గురించి
ఉదయపు వెలుగులో ఎదురుచూస్తున్న
కొవ్వు ఉన్న పురుగుల గురించి
అది ఆకాశాన్నే తనదిగా భావిస్తుంది
ఆకాశమే తన సొంతమని నమ్ముతుంది
కానీ బంధీగా మారిన పక్షి
కలల సమాధిపై నిలబడి ఉంటుంది
పక్షి నీడ భయంకరమైన అరుపులా ఉంటుంది.
దాని రెక్కలు కత్తిరించబడి ఉంటాయి
దాని కాళ్లు బంధించబడి ఉంటాయి
అందుకే అది తప్పనిసరిగా
తన గొంతు తెరిచి పాడుతుంది
ఆ పక్షి పాడుతుంది
భయంతో నిండిన మృదువైన స్వరంలో
తెలియని ప్రపంచాల గురించి
కానీ ఇంకా లోతుగా కోరుకునే ఆశల గురించి
దాని పాట
దూర కొండలపై వినిపిస్తుంది
ఎందుకంటే ఆ పక్షి
స్వేచ్ఛ కోసం పాడుతుంది
మాయా ఏంజెలో పరిచయం:
Maya Angelou (1928–2014) ఒక ప్రముఖ అమెరికన్ కవయిత్రి, రచయిత్రి, గాయని, నటి మరియు పౌరహక్కుల ఉద్యమ కార్యకర్త. ఆమె అసలు పేరు Marguerite Annie Johnson. చిన్ననాటి నుంచే ఆమె అనుభవించిన వివక్ష, కష్టాలు, మరియు జీవన పోరాటాలు ఆమె రచనలకు లోతైన నేపథ్యాన్ని ఇచ్చాయి. జాతి వివక్ష, మహిళల ఆత్మగౌరవం, స్వేచ్ఛ, మరియు బాధ నుంచి ఎదుగుదల వంటి అంశాలు ఆమె కవిత్వంలో ప్రధానంగా కనిపిస్తాయి. ఆమె ప్రసిద్ధ ఆత్మకథ “I Know Why the Caged Bird Sings” ద్వారా ప్రపంచవ్యాప్తంగా విశేష గుర్తింపు పొందింది. ఆమె కవిత “Still I Rise” ఆత్మవిశ్వాసం మరియు ప్రతిఘటనకు శక్తివంతమైన చిహ్నంగా నిలిచింది. అమెరికా పౌరహక్కుల ఉద్యమంలో Martin Luther King Jr. తో కలిసి పనిచేసి సమాజ మార్పుకు కీలక పాత్ర పోషించింది. ఆమె రచనల ప్రత్యేకత ఏమిటంటే, సులభమైన భాషలోనే లోతైన భావాన్ని వ్యక్తపరచడం. ఆమె కవిత్వం మనిషిలోని ఆత్మగౌరవాన్ని మేల్కొలిపి, ఎన్ని కష్టాలు వచ్చినా మళ్లీ లేచే శక్తిని గుర్తు చేస్తుంది
ఏప్రిల్ 4, 1928
ఆమె అమెరికన్ కవయిత్రి, రచయిత్రి, సామాజిక కార్యకర్తగా ప్రపంచవ్యాప్తంగా ప్రసిద్ధి చెందారు.
