పుష్పవృక్షం

యి సాంగ్- కొరియన్
తెలుగు భావానువాదం : మల్లేశ్వరరావు ఆకుల, 79818 72655

ఒక విశాలమైన మైదానం మధ్యలో
విస్తారంగా పుష్పించిన
ఒక వృక్షాన్ని చూశాను.
ఆ చుట్టుపక్కల
అంతగా పుష్పించిన
మరో వృక్షమేదీ కనిపించలేదు.
అసంఖ్యాక పుష్పాలతో నిండిన
ఆ వృక్షానికి
ఏదో గాఢమైన ఆలోచన ఉన్నట్టుగా—
తనలాంటి మరో పుష్పవృక్షం
తన చెంతనే ఉండాలని
అది మనసారా కోరుకుంటున్నట్టుగా
నాకు అనిపించింది.
అయితే—
ఆ వృక్షం తనున్న చోటు నుంచి
కదలలేదని నాకు తెలుసు.
తన ఆలోచనల్లోని
ఆ పుష్పవృక్షాన్ని చేరుకోవడానికి
అది తన స్థానాన్ని విడిచి
ఎక్కడికీ వెళ్లలేదని కూడా తెలుసు.
అయినా
నేను పరుగెత్తాను—
దానిని చేరుకోవాలనే
ఆకాంక్షతో పరుగెత్తాను.
కానీ—
అది కూడా
ఒక విచిత్రమైన అనుకరణే.

మల్లేశ్వరరావు ఆకుల

ఆకాశవాణి విశ్రాంత సంచాలకులుగా 2016 డిసెంబర్ లో రిటైర్ అయ్యారు. 1.1.1977 గుడివాడలో జననం. ఉద్యోగ విరమణ తర్వాత తిరుపతిలో నివాసం. B.com., MCJ, MA. (HINDI), రంగస్థల యోగా విజ్ఞాన్ లో సుశిక్షితులు. 28సం.ఆకాశవాణిలో ఉద్యోగం. అక్షరాలు నా ఆనవాళ్లు, ప్రకృతి నేపథ్యంలో, దృశ్యం విత్తై మొలకెత్తితే- కవితా సంపుటులు, వెన్నెలలో మల్లియలు- నాజీవన యానం. ఇప్పుడు ముద్రణలో చాంద్ ఫిర్ నికలా- 100 హిందీ పాటలకు వ్యాఖ్యానం, ఆయన రచనలు. రంగస్థల విమర్శ- సమీక్షకులు. వాట్సాప్ గ్రూపులో హిందీ అనువాదాలు. కథాయాత్ర పేరుతో కథల ఆడియో, చిత్ర కవితలు, పుస్తక సమీక్షలు, పరిచయాలు వగైరా.